Plantun de Prouvènço

Pèr coumpara dos planto d'encò nostre

Minuartia verna & Honorius nutans

Minuartia verna

Caryophyllaceae

Nom en français : Minuartie de printemps.

Descripcioun :
La lineto-dóu-printèms es uno pichoto planto renadivo que trachis en mato dins li tepiero roucaiouso de mountagno. Li cambo porton de pichòti fueio óupousado di tres costo. Pèr pas s'engana emé de planto proche, alucas li sepalo que dèvon èstre emé de bord membranous pas trop espès, di tres costo e bèn dubert à la flourido. Peréu li petalo an un ounglet courtet au contro de Minuartia villarii. Pensa d'utilisa la coumparesoun se sias pas segur qu'es eisa de s'engana.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 15 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Minuartia
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 6 à 10 mm
Flourido : Printèms - Estiéu

Sòu : Ca
Autour basso e auto : 400 à 3000 m
Aparado : Vo
Jun à setèmbre

Liò : Tepiero roucaiouso - Esboudèu
Estànci : Mountagnard à Aupen
Couroulougi : Ouroufito-Éurasiatico
Ref. sc. : Minuartia verna (L.) Hiern, 1899

Aiado-blanco

Honorius nutans

Asparagaceae Hyacinthaceae

Nom en français : Ornithogale à fleurs penchées.

Descripcioun :
L'aiado-blanco (noum generi pèr lou gènre Ornithogalum), flouris dins li vigno e lis ermas à la primo. Sèmblo un pau à uno flour-de-vounge-ouro emé de fueio verdalo e larjo de 7 à 15 mm, emé uno bando argentado. Li flour soun clinado amé de tepalo blanco qu'an un bando verdo sus lou deforo.

Usanço :
La planto es empouisounanto coume la maje part di jacinte. Nous vèn dóu Pont (Grèço e Turquìo).

Port : Erbo
Taio : 20 à 50 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Honorius
Famiho : Asparagaceae
Famiho classico : Hyacinthaceae

Ordre : Aspargales

Coulour de la flour : Blanco
Petalo : 6
Ø (o loungour) flour : 4 à 5 cm
Flourido : Printèms

Sòu : Ca
Autour basso e auto : 0 à 400 m
Aparado : Noun
Febrié à mars

Liò : Vigno - Ermas
Estànci : Termoumediterran à Coulinen
Couroulougi : Óurigino pountico
Ref. sc. : Honorius nutans (Sm.) Gray, 1821 (= Ornithogalum nutans L. 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Minuartia verna & Honorius nutans

ges

Coumpara Lineto(-dóu-printèms) emé uno autro planto

Coumpara Aiado-blanco emé uno autro planto